Mumbai Indians

पूर्णपणे आधुनिक काळातील क्रिकेटपटू. नवीन काळातील महान खेळाडू. आपला स्किप!

खऱ्या अर्थाने मुंबई इंडियन्सचा आयकॉन असलेला हार्दिक पांड्या ब्लू अँड गोल्डमध्ये परतला आहे. २०१५-२०२१ या सात वर्षांच्या काळात तो एमआयच्या विजयी अश्वमेधाचा प्रमुख खेळाडू होता. त्याने टीमसाठी प्रत्येक गोष्ट केली- प्रथम गोलंदाजी करणे, डेथ ओव्हर्समध्ये गोलंदाजी, हवा असलेला रन रेट आकाशाला भिडलेला असताना फलंदाजी करणे, आपल्या संघाला स्थिरावण्याची गरज असताना फलंदाजी आणि लाँग ऑनवर अभेद्य किल्ला बनून उभे राहणे. तो लढवय्या होता आणि अगदी सहजपणे हे करायचा.

आपल्या पहिल्याच सीझनमध्ये सीएसकेविरूद्ध एमआयला शेवटच्या दोन ओव्हर्समध्ये जिंकण्यासाठी ३० धावांची गरज होती तेव्हा तो फलंदाजीला उतरला. चार चेंडूंमध्ये तीन षट्कार आणि २१*(८) अशी कामगिरी करून त्याने आपल्याला विजय मिळवून दिला. पुढची सात वर्षे तो हेच करत राहिला.

पुनरागमन ही कला असेल तर एचपी निश्चितच त्याचा कलाकार आहे. २०२४ ची आयपीएल मोहीम कठीण गेल्यानंतर भारताने टी२० विश्वचषक २०२४ आणि चॅम्पियन्स ट्रॉफी २०२५ मध्ये मिळवलेले यश हार्दिक पांड्याचे अष्टपैलू कौशल्य आणि त्याची जबरदस्त कामगिरी आपल्या यशात योगदान देणारी ठरली. तो मि. डिपेंडेबल आहे तो याचमुळे.

…आणि आता तो आयपीएल २०२५ साठी नव्या जोमाने तयार झाला आहे. आपल्या पाच रिटेन केलेल्या खेळाडूंपैकी एक तो आहे आणि आम्हाला त्याचा अभिमान आहे.