इंटरनॅशनल क्रिकेट कॉन्सिलकडून सर्व स्वरूपात सर्वोत्तम क्रिकेटपटूंसाठी पुरस्कार देण्यात येतात. यंदा त्यांची घोषणा झाली असून एमआयच्या प्रतिनिधींनी २०२४ मधल्या आपल्या परफॉर्मन्सने यातही बाजी मारली आहे.

सुरूवातीलाच सांगायचं तर आपल्या अमेलिया केरने आयसीसी विमेन्स क्रिकेटर ऑफ दि इयरसाठी रेचल हेहो फ्लिंट ट्रॉफी आणि आयसीसी विमेन्स टी२०आय क्रिकेटर ऑफ दि इयर हे दोन्ही पुरस्कार पटकावले आहेत. रेचल हेहो फ्लिंट ट्रॉफी जिंकणारी ती न्यूझीलंडची पहिली महिला खेळाडू ठरली आहे. 🤩

𝗞𝗲𝗿𝗿-𝗳𝗲𝗰𝘁 𝗶𝗻 𝗲𝘃𝗲𝗿𝘆 𝘄𝗮𝘆; congratulations, Melie 🫡💙#AaliRe pic.twitter.com/oREjhJgse8

— Mumbai Indians (@mipaltan) January 28, 2025

विमेन्स टी२० वर्ल्ड कप विजयी कॅम्पेनमध्ये मुंबई-केर आपल्या २०२४ मधल्या दणकेबाज परफॉर्मन्समुळे चमकली. या स्पर्धेत तिला तिच्या अष्टपैलू खेळासाठी मालिकापटूचा पुरस्कार देण्यात आला. तिने १३५ धावा करून १५ विकेट्स घेतल्या.

याशिवाय, स्पर्धा २००९ साली सुरू झाल्यापासून एकाच वर्षात तब्बल १५ विकेट्सची तिची कामगिरी सर्वोच्च आहे. 🔥

या २४ वर्षीय खेळाडूने ओडीआयमध्येही कमाल केली आहे. ती व्हाइट फर्न्ससाठी नऊ सामन्यांमध्ये खेळली आणि ३३ च्या सरासरीने २६४ धावा केल्या आणि १५ विकेट्स खिशात टाकल्या. याला म्हणतात अष्टपैलू कामगिरी … 💪

**********

पुरूषांच्या श्रेणीत आमच्या जसप्रीत बुमराला आयसीसी मेन्स टेस्ट क्रिकेटर ऑफ दि इयर आणि सर गारफिल्ड सोबर्स ट्रॉफी फॉर आयसीसी मेन्स क्रिकेटर ऑफ दि इयर घोषित करण्यात आला आहे. आता त्यात काही शंका होती का?!

The greatest there is, the greatest there ever will be 💙

𝐉𝐚𝐬𝐩𝐫𝐢𝐭 🐐 𝐁𝐮𝐦𝐫𝐚𝐡 🙇‍♂️#MumbaiMeriJaan #MumbaiIndians pic.twitter.com/Gdjwl43XLl

— Mumbai Indians (@mipaltan) January 28, 2025

आपल्या बूमचे वर्ष त्याच्या अचूक यॉर्कर्ससारखेच सुंदर होते. भारताच्या टीममधून त्याचे मित्रवर्ग सूर्यकुमार यादव, हार्दिक पांड्या आणि कर्णधार रो यांच्यासोबत टी२० विश्वचषक विजयात तो चांगलाच चमकला.

अमेलिया केरप्रमाणेच त्यालाही मालिकापटूचा पुरस्कार देऊन गौरवण्यात आले. त्याने आपल्या प्रत्येक प्रतिस्पर्धी खेळाडूला चांगलीच धूळ चाखवली आणि ८.२६ च्या दणदणीत सरासरीने १५ विकेट्स नावावर केल्या. 😎

मात्र एका स्वरूपात आपल्या जस्सीभाऊने प्रतिस्पर्धी संघाच्या फलंदाजांना लोळवले. ते म्हणजे कसोटी क्रिकेट. त्याने १४.९२ च्या उत्तुंग सरासरीने दणदणीत ७१ विकेट्स घेतल्या आणि आपल्या खेळाची चुणूक जगाला दाखवली.

या वर्षातील सर्वांत महत्त्वाची मालिका म्हणजे बॉर्डर गावस्कर ट्रॉफी २०२४-२५. ती भारतासाठी यशस्वी ठरली नाही परंतु जसप्रीत बुमराने आपल्या वैयक्तिक कामगिरीने प्रेक्षकांचे मन जिंकले. त्याने या पाच सामन्यांच्या मालिकेत ३२ विकेट्स घेतल्या. आपल्या माजी स्टार हरभजन सिंगसह संयुक्तरित्या इतिहासातील सर्वाधिक विकेट्स ठरल्या आहेत.

**********

#OneFamily कडून अमेलिया केर आणि जसप्रीत बुमराचे त्यांच्या अद्वितीय कामगिरीसाठी खूप अभिनंदन. 🥇 आगामी वर्षांमध्ये तुम्हाला भरभरून यश मिळो … 💙

आपल्या खेळाडूंमध्ये विविध श्रेणींमध्ये काय कामगिरी केली ते पाहूया.

आयसीसी पुरस्कार २०२४ – वर्षातील सर्वोत्तम क्रिकेटपटू

आयसीसी पुरस्कार २०२४ - वर्षातील सर्वोत्तम टीम