वांद्रे येथील आयईएस न्यू इंग्लिश स्कूलने एमआय ज्युनियर आंतरशालेय क्रिकेट सुपर नॉकआउट स्पर्धेत नीता मुकेश अंबानी ज्युनियर स्कूलवर 10 विकेट अशा मोठ्या फरकाने विजय मिळवला.

नाणेफेक जिंकून प्रथम फलंदाजी करणार्‍या नीता मुकेश अंबानी ज्युनियर स्कूलचा डाव 11 षटकांत अवघ्या 38 धावांवर आटोपला. त्यांच्या केवळ एका फलंदाजाला दोन आकडी धावा करता आल्या. आयईएस न्यू इंग्लिश स्कूलकडून परीन दुबे (5/23) आणि यक्ष साळवीने (4/11) प्रभावी गोलंदाजी करताना प्रतिस्पर्ध्यांना चाळीशीच्या आत रोखले.

आयईएस न्यू इंग्लिश स्कूलच्या सलामीवीरांनी माफक 39 धावांचे लक्ष्य केवळ 3.2 षटकात पार करताना संघाला मोठ्या फरकाने जिंकून दिले.

15 वर्षांखालील मुलींच्या गटात, वसंत विहार हायस्कूलने कपोल विद्यानिधी इंटरनॅशनल स्कूलला 10 विकेट राखून हरवले. त्यांनी 156 धावांचे आव्हान 13.4 षटकांत पार केले. कर्णधार रिया भावसारने नाबाद 55 धावा करताना आणि त्यापूर्वी 3 विकेट टिपताना आपले अष्टपैलुत्व सिद्ध केले. सलामीवीर डेलिशा आंगचेकरनेही (56*) नाबाद झळकावून तिला चांगली साथ दिली.

संक्षिप्त धावफलक:

14 वर्षांखालील मुले:

• आयईएस न्यू इंग्लिश स्कूल (वांद्रे) - 3.2 षटकांत बिनबाद 39(श्रेयस नाईक नाबाद 15) विजयी वि. नीता मुकेश अंबानी ज्युनियर स्कूल -11 षटकांत सर्वबाद 38 (परीन दुबे 5/23, यक्ष साळवी 4/11).

• व्ही. के. कृष्णा मेनन अकॅडमी (बोरिवली) - 18.3 षटकांत बिनबाद 121 (अरहम जैन नाबाद 57, प्रीत राऊत नाबाद 45) विजयी वि. डॉन बॉस्को हायस्कूल (माटुंगा) - 37.3 षटकांत सर्वबाद 120 (त्रिभुराज 57; अवनेश शुक्ला 4/20, पार्थ नलावडे 2/19, अरिन केळुस्कर 2/22).

• मॉडर्न इंग्लिश स्कूल (चेंबूर) - 40 षटकांत 8 बाद 240 (वेदांग मिश्रा 87, राजवर्धन जाधव 37, आर्यन के 25; अजय मोरे 3/50) विजयी वि. रिझवी स्प्रिंगफील्ड हायस्कूल (खार) - 30.5 षटकांत सर्वबाद 113(कार्तिकेय शर्मा 27, श्लोक शिगवण 26; शौनक गावडे 3/24, क्रिश पाटील 2/22).

16 वर्षांखालील मुले:

• लक्षधाम हायस्कूल (गोरेगाव) - 28.3 षटकांत 5 बाद 147 (शमिक एस. नाबाद 52, अहान सुत्रम 47; सिद्धांत काशीकेदार 2/17) विजयी वि. पराग इंग्लिश स्कूल (भांडुप) - 36.4 षटकांत सर्वबाद 145 (आयुध मोहंती 32, नीरज धुमळ 29, वंश चुंबळे 26; मिथुन राजा 4/26, श्रीयांस बेंद्रे 2/11).

15 वर्षांखालील मुली:

• वसंत विहार हायस्कूल - 13.4 षटकांत बिनबाद 157 (दिलीशा आंगचेकर नाबाद 56, रिया भावसार नाबाद 55) विजयी वि. कपोल विद्यानिधी इंटरनॅशनल स्कूल - 21 षटकांत 9 बाद 156 (वृत्ती मेहता 30, भाव्य शाह 25; रिया भावसार 3/9, भुवी जाधव 2/40).

• सरदार वल्लभभाई पटेल विद्यालय (कांदिवली) - 12 षटकांत बिनबाद 355 (स्वरा मगर 59, भूमी गुप्ता नाबाद 53, पेनल्टी 128 धावा) विजयी वि. एक्सपर्ट इंटरनॅशनल हायस्कूल - 18 षटकांत 9 बाद 67 (अनन्या शेट्टी 5/9, फातिमा शेख 2/5, निधी सावंत 2/6).