मुंबईत सुरू असलेल्या एमआय ज्युनियर आंतरशालेय क्रिकेट सुपर नॉकआउट स्पर्धेत सोमवारी एका चुरशीच्या लढतीत सोमवारी अंजुमन-आय-इस्लाम अल्लाना इंग्लिश स्कूलने (सीएसएमटी) ज्ञानदीप सेवा मंडळ हायस्कूलवर (नवी मुंबई) एक विकेट राखून विजय मिळवला .अंजुमन-आय-इस्लाम अल्लानाचा.

प्रथम फलंदाजीला उतरलेल्या ज्ञानदीप सेवा मंडळाचा डाव 32.5 षटकांत 128 धावांत आटोपला. त्यांच्याकडून अतुलने सर्वाधिक 23 धावा केल्या. अंजुमन-आय-इस्लाम अल्लानाचा कर्णधार आरव यादवसह (3/22) वेदांत कडू (3/19) आणि अरहान पटेलने (3/17) अचूक मारा करताना प्रतिस्पर्ध्यांना कमी धावसंख्येवर रोखण्यात महत्त्वपूर्ण भूमिका बजावली.

आरव यादव (25) आणि अरहान सय्यद (19) यांच्यामुळे प्रतिस्पर्ध्यांच्या माफक आव्हानाचा पाठलाग करताना चांगली सुरुवात केली. मात्र, आरव धावबाद झाल्यानंतर त्यांचा डाव गडगडला. मात्र, तळातील फलंदाजांनी मैदानावर तग धरताना संघाला सर्वोत्तम विजय मिळवून दिला. ज्ञानदीप सेवा मंडळ हायस्कूलकडून उमेर नदीमने (3/30) अचूक मारा केला. मात्र, संघाला जिंकून देण्यात त्याला अपयश आले.

14 वर्षांखालील मुले गट सामने

• अंजुमन-आय-इस्लाम अल्लाना इंग्लिश स्कूल (सीएसएमटी) वि. ज्ञानदीप सेवा मंडळ हायस्कूल (नवी मुंबई)

अंजुमन-आय-अस्लम अल्लाना इंग्लिश स्कूलने रंगतदार लढतीत ज्ञानदीप सेवा मंडळ हायस्कूलचा 1 विकेट राखून पराभव केला. अंजुमन-आय-इस्लाम अल्लाना इंग्लिश स्कूलने प्रथम फलंदाजी करताना 33.2 षटकांत 9 बाद 132 धावा केल्या. त्यानंतर ज्ञानदीप सेवा मंडळ हायस्कूलला 32.5 षटकांत 128 धावांवर ऑलआउट केले. कर्णधार आरव यादवने (25 धावा आणि 3 विकेट)  अष्टपैलू कामगिरीसह विजयात मोलाचा वाटा उचलला.

16 वर्षांखालील मुले गट सामने

• तारापूर विद्यामंदिर, पालघर वि. ज्ञानदीप सेवा मंडळ हायस्कूल (नवी मुंबई)

तारापूर विद्यामंदिरने ज्ञानदीप सेवा मंडळ हायस्कूलवर 143 धावांनी दणदणीत विजयाची नोंद केली. सलामीवीर निर्भय केणी (49) आणि जन्मेय पाटीलने (54) कर्णधार नेहल मेहेर (39) आणि अभिनव ठाकूरने (नाबाद 34) पायाभरणी करत 208 धावांचे आव्हान उभे केले. दुसरीकडे, ज्ञानदीप सेवा मंडळ स्कूलचा डाव 65 धावांमध्ये आटोपला. प्रयाग शाहने (4/16) मॅचविनिंग स्पेल टाकला. त्याला कर्णधार नेहलची (2 विकेट) चांगली साथ लाभली.

संक्षिप्त धावफलक:

14 वर्षांखालील मुले: अंजुमन-आय-इस्लाम अल्लाना इंग्लिश स्कूल (सीएसएमटी) 33.2 षटकांत - 9 बाद 132 (आरव यादव 25; उमैर नदीम 3/30, विराट यादव 2/21) विजयी वि. ज्ञानदीप सेवा मंडळ हायस्कूल (नवी मुंबई) - 32.5 षटकांत सर्वबाद 128 (अतुल 23, चिराग लुहाच 20; अरहान पटेल 3/17, वेदांत कडू 3/19, आरव यादव 3/22).

16 वर्षांखालील मुले: तारापूर विद्यामंदिर, पालघर - 40 षटकांत 4 बाद 20 (जन्मेय पाटील 54, निर्भय केणी 49, नेहल मेहेर 39, अभिनव ठाकूर नाबाद 34; अरमान 2/38) विजयी वि. ज्ञानदीप सेवा मंडळ हायस्कूल (नवी मुंबई) - 26.2 षटकांत सर्वबाद 65 (प्रयाग शहा 4/16, हर्ष तामोरे 2/13, नेहल मेहेर 2/19).