टीम इंडियाने लढा दिला. परंतु पदरी निराशाच पडली. यजमान संघाला कसोटी सामन्याच्या तिसऱ्या दिवशी न्यूझीलंडने दिलेले १४५ धावांचे लक्ष्य पूर्ण करण्यासाठी तीन धावा कमी पडल्या.

एजाज पटेल न्यूझीलंडचा सर्वात यशस्वी गोलंदाज ठरला. त्याने दुसऱ्या इनिंगमध्ये ६/५७ विकेट्स घेतल्या. त्याला ऑफ स्पिनर ग्लेन फिलिप्सची मदत मिळाली. त्याने ३/४२ विकेट्स घेतल्या.

सामना कसा पार पडला ते आपण पाहूया.

सुंदर जड्डूची महत्त्वाची खेळी

अगदी पहिल्या दिवसापासूनच विकेटने स्पिनर्सना साथ दिली. त्यामुळे रवींद्र जडेजा आणि वॉशिंग्टन सुंदर या स्पिनर जोडगोळीने न्यूझीलंडला फक्त २३५ धावांवर सर्वबाद केले.

रवींद्र जडेजाने ५-६५ अशा विकेट्स घेतल्या. त्याने कसोटी सामन्यात आपली पाच विकेट्सची १४ वी कामगिरी केली. सुंदर तर न्यूझीलंडचा संहारक ठरला. त्याने ४-८१ अशा विकेट्स घेतल्या.

पाहुण्या संघासाठी डॅरिल मिशेल (८२) आणि विल यंग (७१) हे दोन खेळाडू सर्वाधिक धावा करणारे ठरले. यांच्याशिवाय इतर फक्त दोनच गोलंदाजांना दुहेरी धावसंख्या गाठता आली.

धावांचा पाठलाग करायला उतरलेल्या भारतीय संघाने फलंदाजीची सुरूवात चांगली केली. परंतु पहिल्या दिवसाच्या शेवटी विकेट्स पडू लागल्या. त्यामुळे न्यूझीलंडला पुन्हा मार्ग गवसला. भारतीय संघ या टप्प्यात फक्त ८४-४ वर होता.

पंत आणि गिल यांच्यामुळे दिवसाची चांगली सुरूवात

दुसऱ्या दिवसाची सुरूवात झाली तेव्हा शुभमन गिल आणि ऋषभ पंत सणाच्या मूडमध्ये होते. या दोघांनी किवीजवर जोरदार प्रतिहल्ला चढवला आणि पाचव्या विकेटसाठी ९६ धावांची मौल्यवान भागीदारी केली.

ऋषभ पंतने ५९ चेंडूंमध्ये ६० धावा केल्या तर शुभमन गिलचे शतक चुकले. तो ९० धावांवर बाद झाला.

सुंदरचा सुंदर खेळ!

हे दोघे बाद झाल्यानंतर भारतीय संघाने एकामागून एक विकेट्स गमावल्या. एजाज पटेल पाच विकेट्ससह न्यूझीलंडसाठी खेळ ताब्यात घेणारा खेळाडू ठरला.

वॉशिंग्टन सुंदरने शेवटच्या टप्प्यात चांगली फलंदाजी केली (३६ चेंडूंमध्ये ३८ धावा). त्यामुळे यजमान संघाला न्यूझीलंडच्या धावसंख्येपेक्षा जास्त धावा करणे आणि निसटती पण महत्त्वाची २८ धावांची आघाडी घेणे शक्य झाले.

स्पिन, स्पिन आणि अजून स्पिन!

दुसऱ्या सत्रात भारतीय गोलंदाजांनी पुन्हा एकदा दणक्यात खेळ सुरू केला. आकाश दीपने पहिल्याच ओव्हरमध्ये टॉम लॅथमची विकेट घेतली.

त्यानंतर स्पिन गोलंदाजांची पूर्ण वर्चस्व गाजवले. न्यूझीलंडच्या संघाच्या वेळोवेळी विकेट्स पडत राहिल्या. रवींद्र जडेजा आणि आर. अश्विन यांनी किवी फलंदाजांभोवती जाळे विणले आणि त्यांना १७४ धावांवर बाद केले. भारतापुढे १४७ धावांचे लक्ष्य होते.

जड्डूने पुन्हा एकदा उत्तम गोलंदाजी करत ५/५५ अशा विकेट्स घेतल्या.

प्रयत्न केला पण हरलो!

लक्ष्याचा पाठलाग करताना भारतीय संघाने सुरूवातीच्या टप्प्यात विकेट्स गमावल्या. आपला अर्धा संघ फक्त २९ धावांवर बाद झाला. परंतु ऋषभ पंत आणि रवींद्र जडेजा यांनी सहाव्या विकेटसाठी ४२ धावांची महत्त्वाची भागीदारी केली. त्यानंतर पंत आणि सुंदर यांच्यात ३४ चेंडूंमध्ये ३५ धावांची भागीदारी झाली. त्यामुळे भारतीय संघाच्या विजयाच्या आशा जागृत झाल्या.

ऋषभ पंतची विकेट सामन्याचा टर्निंग पॉइंट ठरला. त्याने अत्यंत कठीण परिस्थितीत महत्त्वाच्या ६४ धावा जोडल्या. त्यानंतर अश्विन आणि सुंदर यांनी लढण्याचा प्रयत्न केला. पण अश्विन बाद झाल्यानंतर उर्वरित फलंदाजांचा खेळ पत्त्यांच्या डावासारखा कोसलळा. त्यामुळे टीम इंडियाचा खेळ २५ धावा शिल्लक असताना आटोपला.